१० लाख वार्षिक आम्दानीसम्म कर छुट दिने कांग्रेसको प्रतिज्ञा

काठमाडौं। नेपाली कांग्रेसका सभापति गगनकुमार थापाले २१ फागुनको निर्वाचनपछि आफ्नो सरकार बने व्यक्तिगत आयकरमा व्यापक सुधार गर्ने घोषणा गर्नुभएको छ।

बिहीवार काठमाडौंमा आयोजित पार्टीको चुनावी प्रतिज्ञा सभालाई सम्बोधन गर्दै उनले यस्तो घोषणा गर्नुभएको छ। उहाँले वार्षिक १० लाखसम्मको आम्दानीमा कर नलगाउने घोषणा प्रतिज्ञा गर्नुभयो।

अहिले ३० प्रतिशतसम्म रहेको व्यक्तिगत आयकरलाई अधिकतम २५ प्रतिशतमा झार्ने उहाँले प्रतिज्ञा गर्नुभयो। करका सबै प्रकारका दरहरूलाई सरलीकृत गर्ने पार्टीको योजना रहेको उहाँले सुनाउनुभयो।

उहाँले भन्नुभयो, ‘नेपाललाई विदेशी लगानीको आकर्षणको केन्द्र बनाउने भाषणले मात्र लगानी आउदैन। यसको लागि हामीले नीतिमै सुधार गर्न आवश्यक छ। हामी १० लाखसम्मको व्यक्तिगत आम्दानीमा कर नलगाउने प्रतिज्ञा गर्छौँ।’

उहाँले संविधान कार्यान्वयनका लागि हामी प्रतिवद्ध रहेको पनि बताउनुभयो।