जनता जागेपछि जेनजी विद्रोह भयो : सुदेश पराजुली

काठमाडौँ। नेपाली कम्युनिष्ट पार्टीका नेता सुदेश पराजुलीले गलत प्रवृत्तिका विरुद्धमा जनता जागेका कारण जेनजी विद्रोह भएको बताउनुभएको छ।

आइतवार काठमाडौँमा आयोजित कार्यक्रममा पराजुलीले यस्तो टिप्पणी गर्नुभएको हो।

आगामी निर्वाचन असत्य र गलत प्रवृत्तिविरुद्ध जनताको निर्णायक अभिव्यक्ति हुने उहाँको भनाइ छ। पछिल्लो समय देशमा देखिएको प्रवृत्ति परास्त गर्न र संविधान तथा व्यवस्थाको संरक्षण गर्ने राजनीतिक शक्तिलाई स्थापित गर्न निर्वाचन महत्त्वपूर्ण अवसर भएको उहाँको तर्क छ।

नेता पराजुलीले मतदातालाई लोकतान्त्रिक मूल्य, सत्य र संवैधानिक व्यवस्थाको पक्षमा उभिन आग्रह गर्नुभयो।

पराजुलीले भन्नुभयो, `गलत प्रवृत्ति र असत्यका विरुद्ध जनता जागेका हुन्। यो निर्वाचन असत्यलाई पराजित गर्न मूलतः ओली प्रवृत्तिलाई हराउन निर्वाचन भइरहेको हो भन्ने कुरा हामीले छुटाउनु हुँदैन। पछिल्लो समय देशमा देखा परेको प्रवृत्ति निर्वाचनबाट परास्त हुन्छ।’

उहाँले निर्वाचनबाट असत्य प्रवृत्तिलाई हटाउनुपर्ने माग गर्नुभयो।