क्यारिबियन सागरमा कथित लागुऔषध तस्करीको डुंगा माथि अमेरिकी सेनाको आक्रमणः ३ जनाको मृत्यु

अमेरिकी सेनाले क्यारिबियन सागरमा कथित लागूऔषध बोकेको डुंगा माथि आक्रमण गर्दा तीन जनाको मृत्यु भएको छ । यूएस साउदर्न कमान्डले सोमवार यो जानकारी दिएको हो । कमान्डले एक्स ९पूर्व ट्विटर० मा पोस्ट गर्दै भनेको छ, ‘खुफिया जानकारीका आधारमा यो डुंगा क्यारिबियनमा लागुऔषध तस्करीका ज्ञात रुटहरू प्रयोग गर्दै तस्करी कार्यमा संलग्न थियो ।’

यो कारबाहीमा तीन जना पुरुष ‘नार्को–टेररिस्ट’ हरू मारिएका छन् । अमेरिकी सेनाका कुनैपनि जवानलाई क्षति पुगेको छैन । यो घटना ट्रम्प प्रशासनले सेप्टेम्बरबाट शुरु गरेको अभियानको हिस्सा हो । जसमा क्यारिबियन र पूर्वी प्रशान्त महासागरमा कथित लागूऔषध तस्करीका डुंगाहरू माथि ४४ वटा आक्रमण गरिसकिएको छ । यी आक्रमणहरूमा कम्तीमा १५० जनाको मृत्यु भएको दाबी गरिएको छ ।
अमेरिकी सेनाले आक्रमणको भिडियो पनि सार्वजनिक गरेको छ, जसमा डुंगा विस्फोट भएको देखिन्छ ।

तस्करी भएको प्रमाण वा डुंगामा लागूऔषध भएको ठोस विवरण भने दिइएको छैन । यो अभियानलाई ट्रम्प प्रशासनले लागूऔषध तस्करी रोक्न आवश्यक कदम भने पनि आलोचकहरूले यसको वैधानिकता र प्रभावकारितामाथि प्रश्न उठाएका छन् ।