अमेरिकाको पूर्वी क्षेत्रमा रेकर्ड तोड्ने हिमआँधी, हजारौं उडान रद्द

अमेरिकाको पूर्वी क्षेत्रमा सोमबार आएको शक्तिशाली हिमआँधीका कारण ५ हजारभन्दा बढी उडान रद्द भएका छन् भने लाखौं मानिस प्रभावित भएका छन्। यसले यातायात, विद्युत् आपूर्ति र हवाई सेवामा व्यापक अवरोध ल्याएको छ।

रोद आइल्याण्ड र म्यसिचुसेट का केही भागमा ८३ सेमी ९३३ इन्च० सम्म हिउँ जमेको अमेरिकी राष्ट्रिय मौसम सेवाले जनाएको छ। न्यूयोर्क सिटीको सेन्ट्रल पार्कमा मात्रै १९ इन्च हिउँ जमेको बीबीसीले जनाएको छ।

पूर्वी तटका विभिन्न राज्यमा गरी ६ लाखभन्दा बढी घरधुरी र व्यवसाय विद्युत् आपूर्तिबाट बञ्चित भएका छन्। न्यूयोर्क, न्यूजर्सी र म्यासाचुसेट्स सबैभन्दा बढी प्रभावित भएका छन्।

म्यासाचुसेट्सकी गभर्नर ःबगचब ज्भबभिथ ले गैर–आवश्यक सवारी रोक्दै राजमार्गमा गति सीमा ४० माइल प्रतिघण्टा तोकेकी छन्। नागरिकलाई घरमै बस्न र ह्वाइटआउट अवस्थाबाट बच्न चेतावनी दिइएको छ।

हिमपातका कारण हवाई उडान सेवामा ठूलो असर परेको छ। ला गार्डिया विमानस्थलबाट ९८५ र जोन एफ केनेडी अन्तर्राष्ट्रिय विमानस्थलबाट ९१५ उडान रद्द भएका थिए। लोगन, नेयोर्क लिबर्टी र फिलाडेल्फिया अन्तर्राष्ट्रिय विमानस्थलमा पनि अधिकांश उडान प्रभावित भएका थिए।

रोड आइल्याण्डमा ३३ इन्च हिउँ जमेर सन् १९७८ को रेकर्ड (२८।६ इन्च) तोडिएको छ। यसलाई त्यहाँको अहिलेसम्मकै ठूलो हिमपात मानिएको छ।

सडकमा रुख ढल्ने, हाँगा भाँचिने र हिउँ पन्छ्याउने सवारी अवरुद्ध हुने जोखिमले नागरिकलाई यात्रा गर्न जोखिमपूर्ण बनाएको छ। प्रोभिडेन्समा ३०० भन्दा बढी गाडी क्रेनको सहयोगमा हटाउनुपर्ने अवस्था आएको थियो।