उपचारका लागि रकम पुगेपछि साम्बाको अनुरोध, `सहयोग रोकिदिनुहोस्´

काठमाडौं। राष्ट्रिय महिला फुटबल टोलीकी कप्तान सावित्रा भण्डारी साम्बाले आफ्नो उपचारमा सहयोग गर्ने समर्थकलाई धन्यवाद दिँदै सहयोग रकम रोकिदिन आग्रह गर्नुभएको छ।

साम्बाले आफ्नो उपचारको लागि आर्थिक सहयोग माग्दै सामाजिक सञ्जालमा सोमबार एक पोष्ट गर्नुभएको छ। साम्बाको आग्रहलाई स्वीकार गर्दै समर्थकले उहाँको नेपाल र बाहिरको खातामा आर्थिक रकम जुटाउन लागि पर्नुभएको छ।

अहिलेसम्म नेपालको बैक खातामा एक करोडभन्दा बढी रकम र विदेशी प्लेटफर्ममा ४५ लाख रुपैयाँ जम्मा भएपछि साम्बाले दुबै अकाउन्टमा सहयोग रकम रोकिदिन अनुरोध गर्नुुभयो।

उहाँले आफ्नो उपचारमा आफूलाई प्रायोजन गर्ने संस्था तथा नेपालका धेरै संघ संस्था र नगद र सुविधा सहयोगको वाचा गरेको भन्दै यसले कतार उपचारमा लाग्ने खर्च, आवास र यातायात पुग्ने भन्दै सहयोग गरिदिने सबैलाई धन्यवाद दिनुभयो।

उहाँले सामाजिक सञ्जालमार्फत धन्यवाद दिँदै पोष्ट गर्नुभयो।