बढ्यो नेप्से

काठमाडौं । बिहीबार सेयर बजार ६.०३ अंक बढेको छ । सो अंकको वृद्धिसँगै बजार परिसूचक नेप्से २६५४.९३ अंकमा कायम भएको छ । अघिल्लो दिन नेप्से १० अंक बढेको थियो भने मंगलबार २१ अंक बढेको थियो ।

कारोबार रकम अघिल्लो दिनको तुलनामा सामान्य घटेको छ । अघिल्लो दिन ४ अर्ब ४५ करोडको कारोबार भएकोमा आज ४ अर्ब १७ करोडको भयो । १३७ कम्पनीको मूल्य बढ्दा ११८ को घट्यो भने ७ को स्थिर रह्यो ।

निर्जीवन बीमा समूह सबैभन्दा धेरै १.०९ प्रतिशत बढ्यो । साथै बैंकिङ ०.६४, विकास बैंक ०.१३, फाइनान्स ०.७१, हाइड्रोपावर ०.०५, लगानी ०.३५, जीवन बीमा ०.०३, अन्य ०.०५ तथा व्यापार ०.४६ प्रतिशत बढे ।

होटल तथा पर्यटन ०.१६, उत्पादन तथा प्रशोधन ०.४१ र माइक्रोफाइनान्स सूचक ०.२८ प्रतिशत घटे ।

साल्पा विकास बैंकको मूल्य सबैभन्दा धेरै १० प्रतिशत बढेको छ । रिलायन्स स्पिनिङ मिल्सको मूल्य ९.२६, हिमस्टार ऊर्जाको ६, झापा इनर्जीको ३.९३, मोलुङ हाइड्रोपावरको ३.७३ प्रतिशत बढ्यो ।

श्रीनगर एग्रिटेकको मूल्य सबैभन्दा धेरै ३.६० प्रतिशत घट्यो । सुपर माइ हाइड्रोपावरको ३.२५ तथा रिडी पावरको २.८१ प्रतिशत घट्यो । आज धेरै कारोबार भएका कम्पनीमा अपी पावर, आँखुखोला जलविद्युत्, एसवाई प्यानल, ङादी ग्रुप, र रिडी पावर क्रमशः अगाडि छन् ।