भारतले जिम्बाबेलाई हरायो, दक्षिण अफ्रिका सेमिफाइनलमा

काठमाडौं। टी–२० विश्वकपको सुपर आठमा भारतले जिम्बाबेलाई ७२ रनले पराजित गरेको छ।

चेन्नाइमा भारतले दिएको २५७ रनको लक्ष्य पछाएको जिमब्बेले २० ओभरमा ६ विकेट गुमाउदै १८४ रन बनाएको थियो।

जिम्बाबेका लागि ब्रियन मेयर्सले सर्बाधिक अविजित ९७ रन बनाए भने कप्तान सिकन्दर राजाले ३१ रन बनाएका थिए। त्यस्तै भारतीय बलर अर्शदीप सिंहले ३ विकेट लिए भने वरुण चक्रवर्ती, अक्सर पटेल र शिभम दुवेले एक एक विकेट लिए।

यसअघि टस हारेर पहिला ब्याटिंग गरेको भारतले २० ओभरमा ४ विकेट गुमाउदै २५६ रन बनाएको थियो। भारतका लागि अभिषेक शर्माले सर्बाधिक ५५, हार्दिक पाण्डेयले अविजित ५०, तिलक बर्माले अविजित ४४, इशान किशनले ३८, कप्तान सुर्यकुमार यादवले ३३ र संजु सामसनले २४ रन बनाए।

त्यस्तै जिम्बाबेका बलर रिचार्ड एन्गाराभा, ब्लेसिंग मुजाराबानी, टिनोटेन्डा मापोसा र सिकन्दर राजाले एक एक विकेट लिए। यो जितपछि भारत सेमिफाइनलको दौडमा फर्किएको छ।

दक्षिण अफ्रिकासँग पहिलो खेलमा हार बेहोरेको भारतको २ खेलमा २ अंक भएको छ र हाल समूह १ मा तेस्रो स्थानमा रहेको छ। अब भारतले आफ्नो सुपर आठको अन्तिम खेल वेस्ट इन्डिजसँग खेल्ने छ।

जिम्बाबे भने लगातार दोस्रो हार बेहोर्दै सेमिफाइनलको दौडबाट बाहिरिएको छ। सुपर आठको अन्तिम खेल अब दक्षिण अफ्रीकासँग खेल्ने छ। प्रतियोगिता अन्तरगत आज इङ्ल्याण्ड र न्युजिल्याण्ड भिड्नेछन्।