दुबई, दमाम र दोहा गन्तव्यका सबै उडान रद्द

​हिमालय एयरलाइन्सले दुबई, दमाम र दोहा गन्तव्यका सबै उडानहरू रद्द गरेको छ ।

शनिबार एक सूचना जारी गर्दै एयरलाइन्सले ​मध्यपूर्वी आकाश मार्गमा जारी परिस्थितिका कारण उडानहरू अर्को सूचना नभएसम्मका लागि रद्द गरिएको जानकारी गराएको हो ।​

‘मध्यपूर्वी आकाश मार्गमा जारी परिस्थितिका कारण दुबई, दमाम र दोहा गन्तव्यका हाम्रा सबै उडानहरू अर्को सूचना नभएसम्मका लागि रद्द गरिएको जानकारी गराइन्छ,’ जारी सूचनामा भनिएको छ ।

एयरलाइन्सले ग्राहकमा पर्न गएको असुविधाप्रति क्षमा माग्दै साथ र सहयोगका लागि आभारी प्रकट गरेको छ ।

थप जानकारीका लागि आधिकारिक सामाजिक सञ्जाल तथा वेबसाइट नियमित रूपमा अवलोकन गर्न कम्पनीले आग्रह गरेको छ ।