पाकिस्तानद्वारा पूर्वी अफगानिस्तानमा हवाई आक्रमण

पाकिस्तानले पूर्वी अफगानिस्तानमा तालिवानको स्थानमा नयाँ हवाई आक्रमण गरेको छ । जसमा जलालाबादका साइटहरूलाई लक्षित गरिएको सुरक्षा स्रोतले मंगलवार बताएको छ । आक्रमणले जलालाबादमा रहेको हतियार भण्डार र ड्रोन भण्डारण केन्द्र नष्ट गरेको स्रोतले जनाएको छ ।

पाकिस्तानी सुरक्षा बलले रातभर दक्षिणपश्चिम बलुचिस्तान र उत्तरपश्चिम खैबर पख्तुनख्वा प्रान्तहरूमा धेरै सीमापार आक्रमणहरू विफल पारेको छ, जसमा कम्तिमा ६७ अफगान लडाकुहरू मारिएका छन्, पाकिस्तानका सूचना तथा प्रसारण मन्त्री अताउल्लाह तरारले मंगलवार बताउनुभयो ।

पाकिस्तान वायुसेनाले आईतवार बिहानको कारबाहीमा बाग्राम एयर बेसमा आक्रमण गरेको सुरक्षा अधिकारीहरूले मंगलवार पुष्टि गरेका छन् । अफगानिस्तानको राष्ट्रिय रक्षा मन्त्रालयका प्रवक्ता इनायतुल्लाह ख्वारिज्मीले मंगलवार काबुलमा आयोजित पत्रकार सम्मेलनमा एयर बेसमा भएको आक्रमणको पुष्टि गर्नुभयो ।

आक्रमणबाट कुनै हताहती नभएको र कुनै महत्वपूर्ण क्षति नभएको ख्वारिज्मीले बताउनु भयो । जसले युद्ध अफगानिस्तानको रुचाइएको बाटो नभएको कुरामा जोड दिनुभयो ।