बुम्राह यस संस्करणमा सर्वाधिक विकेट लिने क्रिकेटर, यी हुन् शीर्ष पाँच

काठमाडौं । भारतका बलर जस्प्रीत बुम्राह आईसीसी ट्वान्टी–२० विश्वकप २०२६ मा सर्वाधिक विकेट लिने क्रिकेटर बनेका छन् । बुमराहले आइतबार सम्पन्न फाइनलमा न्युजिल्यान्डविरुद्ध चारसहित कुल १४ विकेट लिए । योसँगै यसपालि सर्वाधिक विकेट लिने खेलाडीको सूचीमा उनले आफूलाई सूचीकृत गराएका हुन् । यसक्रममा आठ इनिङ खेलेका बुम्राहले १६८ बल फ्याँक्दा १७४ रन खर्चिए ।

उनीसँगै रन धेरै खर्चिएपछि भारतकै बलर वरुन चक्रवर्ती यस संस्करण सर्वाधिक विकेट लिने क्रिकेटरको सूचीमा दोस्रो स्थानमा रहे । उनले समान १४ विकेट लिए पनि नौ इनिङमा १८६ बल फ्याँक्दा २८७ रन खर्चिए ।

अमेरिकाका साड्ली भान स्काल्वक यस संस्करण सर्वाधिक विकेट लिने तेस्रो क्रिकेटर बने । उनले चार खेल खेलबाट १३ विकेट लिँदै यो कीर्तिमान रचेका हुन् । उनले यसक्रममा ८९ बल फ्याँक्दा १०१ रन खर्चिए। यस्तै, जिम्बाब्वेका ब्लेसिङ मुजरबानी यस संस्मरण सर्वाधिक विकेट लिने चौथो क्रिकेटर बने । समान १३ विकेट लिएका मुजरबानीले आठ खेलमा १४३ बल फ्याँक्दा १८८ रन खर्चिए ।

ब्लेसिङपछि यो सूचीमा इंग्ल्यान्डका आदिल रसिद पाँचौँ स्थानमा छन् । समान १३ विकेट लिएका आदिलले आठ खेलमा १८४ बल फ्याँक्दा २५० रन खर्चिए ।

भारत र श्रीलंकाको संयुक्त आयोजनामा यस वर्ष भएको विश्वकपको १०औँ संस्करण साबिक विजेता समेत रहेको भारतले न्युजिल्यान्डलाई ९६ रनले हराउँदै जितेको छ । योसँगै भारत तीनपटक उपाधि जितेपछि आईसीसी विश्वकपको इतिहासमा सबैभन्दा सफल टोली बनेको छ ।