समानुपातिक मत : यस्तो छ दलहरूले समानुपातिक सिट संख्या

प्रत्यक्षतर्फको स्पस्ट नतिजा आइसेकपनि समानुपातिक तर्फको सिट बाँडफाँड टुंगो लागेको छैन। अब थोरै मत मात्रै निर्वाचन आयोगको प्रणालीमा प्रविष्ट हुन बाँकी रहेकाले समानुपातिकको संभावित आँकडा पनि आइसकेको छ।२७५ सदस्यीय प्रतिनिधिसभामा राष्ट्रिय स्वतन्त्र पार्टी रास्वपा स्पष्ट बहुमतका साथ पहिलो दल बनेको छ। प्रत्यक्षमा १ सय २५ सिट जितेको रास्वपाले समानुपातिकमा ५७ सिट प्राप्त गर्नेछ।

यसरी संसदमा उसका १ सय ८२ सांसदको प्रतिनिधित्व हुने भएको छ। यो दुई तिहाइका लागि २ सांसद मात्र कम हो।

त्यसैगरी प्रत्यक्षमा १८ सिट जितेको नेपाली कांग्रेसले पनि समानुपातिक तर्फ २० सिट पाउने देखिएको छ। यसरी कांग्रेसका ३८ सांसद प्रतिनिधिसभामा रहनेछन्।

प्रत्यक्षमा ९ सिट जितेको नेकपा एमालेले समानुपातिकमा २५ सिट पाउने देखिएको छ। यसरी उसका कूल २५ सांसद हुनेछन्।

प्रत्यक्षमा ८ सिट जितेको नेपाली कम्युनिष्ट पार्टीले समानुपातिकमा ९ सिट पाउने हुँदा उसका कूल सांसद १७ जना हुनेछन्।

भर्खर उदाएको श्रम संस्कृति पार्टी पाँचौं दल बनेको छ। प्रत्यक्षमा ३ सिट जितेको श्रम संस्कृतिले समानुपातिकमा ४ सिट जितेर पहिलो प्रयासमा ७ सांसद लिएर संसद छिर्ने भएको छ।

प्रत्यक्षमा एक सिट मात्रै जितेको राप्रपाले पनि समानुपातिकमा ४ सिट नै पाउने देखिएको छ। यसरी उसका पाँच सांसद हुनेछन्।

समानुपातिकको सिट बाँडफाँडको औपचारिक घोषणा भने निर्वाचन आयोगले गरिसकेको छैन।