दक्षिण कोरियामा रहेका अमेरिकी सेनाले ‘थाड’ इन्टरसेप्टरहरू मध्यपूर्वमा सार्ने तयारी गर्दै

दक्षिण कोरियामा रहेका अमेरिकी सेनाले टर्मिनल हाई एल्टिच्युड एरिया डिफेन्स (थाड) ब्याट्रीका इन्टरसेप्टर क्षेप्यास्त्रहरू मध्यपूर्वमा सार्ने तयारी गरिरहेको एक स्थानीय पत्रिकाले बुधवार जनाएको छ ।

डोङ–ए इल्बोले एक अज्ञात उच्च पदस्थ दक्षिण कोरियाली सरकारी अधिकारीलाई उद्धृत गर्दै थाड इन्टरसेप्टर क्षेप्यास्त्रहरूलाई उत्तर ग्योङसाङ प्रान्तको सियोन्जु काउन्टीबाट राजधानी सियोलबाट करिव ७० किलोमिटर दक्षिणमा रहेको प्योङटेकस्थित ओसान एयर बेसमा सारिएको बताएको छ ।

यसलाई युएस फोर्सेस कोरियाले क्षेप्यास्त्रहरूलाई मध्यपूर्वमा पुनः तैनाथ गर्ने तयारी गरिरहेको रूपमा हेरिएको अर्का अधिकारीले उल्लेख गरे । वासिङ्टन पोस्टकाअनुसार पेन्टागनले दक्षिण कोरियाबाट थाड ब्याट्रीका केही भागहरू मध्यपूर्वमा सार्दै छ भने इन्डो–प्यासिफिक क्षेत्र र अन्य ठाउँहरूमा रहेको आफ्नो प्याट्रियट इन्टरसेप्टरहरूको आपूर्तिबाट पनि तानिरहेको छ ।

दक्षिण कोरियाली राष्ट्रपति ली जे म्योङले मंगलवार एक बैठकमा भनेका छन् कि दक्षिण कोरियाले युएसएफकेले आफ्नै सैन्य आवश्यकताहरूको लागि वायु रक्षा हतियारहरू फिर्ता लैजाने कुरामा विरोध जनाए पनि एशियाली देशले आफ्नो अडानलाई पूर्ण रूपमा लागू गर्न भने सकेन ।