कम्बोडियामा अलपत्र १६ नेपाली नेपाल फर्काइए

काठमाडौँ। कम्बोडियामा अलपत्र परेका १६ जना नेपाली आज स्वदेश फर्काइएका छन्।

अनलाइन स्क्यामिङ र क्यासिनो अनलाइन ठगी लगायतका काममा लगाइएका तथा बिनाभिसा अलपत्र रहेका उनीहरू बैंककस्थित नेपाली दूतावासको पहल र कम्बोडियाको सरकारको सहयोगमा उद्धार गरिएको हो। अलपत्र परेका अन्य नेपालीलाई नेपाल फर्काउने पहल भइरहेको छ।

यसैगरी परराष्ट्र मकन्त्रालयले नेपाली दूतावास बैंकक वा गैरआवासीय नेपाली संघ कम्बोडियाका प्रतिनिधिहरू (शिवराज पराजुली +८५५ १२ २१५ ५७८ र लालसिहं खडका +८५५ ९३ २०३ ६६६, कुमार छेत्री +८५५ ९६ ३४६ ५७८८) लाई सम्पर्क गर्न सूचना दिएको छ।

स्क्यामिङ केन्द्रले राहदानी राख्ने गरेको वा स्क्यामिङ केन्द्रबाट ट्रान्सफर हुँदा राहदानी नभएका नेपालीलाई बैंककस्थित नेपाली दूतावासले एकतर्फी यात्रा अनुमतिपत्र पठाइदिने गरेको छ।