एमाले कास्कीका नेता कृष्ण थापाको हृदयघातका कारण निधन

काठमाडौँ। नेकपा एमाले कास्कीका इन्चार्ज कृष्ण थापाको हृदयाघातले निधन भएको छ।

बिहीबार कास्की जिल्ला कमिटीले राखेको क्षेत्र नम्बर १ को चुनावी समीक्षा बैठकमा करिब पौने ३ बजेतिर उहाँ हृदयाघात भई ढल्नुभएको थियो। उहाँलाई तत्काल पोखराको मणिपाल शिक्षण अस्पतालमा लगिएको थियो। मणिपाल शिक्षण अस्पतालमा चिकित्सकले उनलाई मृत घोषणा गरेको एमाले कास्कीका अध्यक्ष बैनबहादुर अधिकारी क्षेत्रीले जानकारी दिनुभयो।

थापा २०५४ सालमा पोखरामा नगरप्रमुख निर्वाचित हुनुभएको थियो। २०७४ सालमा उहाँ गण्डकी प्रदेश सभा सदस्य निर्वाचित हुनुभएको थियो। २०७९ मा उहाँ पोखरा महानगरप्रमुख पदको निर्वाचनमा पराजित हुनुभएको थियो।

यो प्रतिनिधिसभा चुनाव आकांक्षी रहे पनि उहाँले टिकट पाउनुभएको थियो।