इरानले भन्यो: अमेरिकासँग वार्ता वा युद्धविरामका लागि अनुनय गरेका छैनौँ

इरानका विदेशमन्त्री सय्यद अब्बास अराघचीले आफ्नो देशले अमेरिकासँग कहिल्यै युद्धविराम वा वार्ताका लागि कहिले अनुरोध नगरेको दाबी गरेका छन्।

बीबीसीको अमेरिकी साझेदार सीबीएस न्युजसँग कुरा गर्दै उनले भनेका छन्, ‘हामी अमेरिकीहरूसँग कुरा गर्ने कुनै कारण देख्दैनौँ, किनकि यसअघि हामी उनीहरूसँग वार्ता गरिरहेका थियौँ, तर उनीहरूले हामीमाथि आक्रमण गर्ने निर्णय गरे।’

केही दिनअघि मात्र अमेरिकाका राष्ट्रपति डोनाल्ड ट्रम्पले इरान आफूसँग सम्झौता गर्न चाहेको दाबी गर्दै तर आफूले अब धेरै ढिला भइसकेको जवाफ दिएको दाबी गरेका थिए।

अमेरिका-इजरायलले गत फेब्रुअरी २८ मा संयुक्त हवाई हमला गरी इरानका सर्वोच्च नेता अयातोल्लाह अली खामेनीको हत्या गरेयता लडाइँ जारी छ।

जवाफमा इरानले इजरायल र अमेरिकी अड्डा रहेका खाडीका देशहरूमा ड्रोनरक्षेप्यास्त्र प्रहार गर्दा मध्यपूर्वभरि द्वन्द्व फैलिएको छ।