कांग्रेस केन्द्रीय कार्यसमितिले के के गर्यो निर्णय?
काठमाडौं। नेपाली कांग्रेस केन्द्रीय कार्यसमितिको बैठकले सभापति गगनकुमार थापाद्वारा दिएको राजीनामा अस्वीकृत गरेको छ ।
चैत ६ गतेदेखि सुरु भएको बैठक आइतबार बिहानदेखि रातिसम्म करिब १२ घण्टा सञ्चालन भई सम्पन्न भएको हो । बैठक पार्टी उपसभापति विश्वप्रकाश शर्माको सभापतित्वमा ललितपुरस्थित पार्टी केन्द्रीय कार्यालयमा बसेको थियो ।
बैठकले हालै सम्पन्न प्रतिनिधिसभा निर्वाचनको परिणामको जिम्मेवारी कुनै एक व्यक्ति वा सीमित नेतृत्वको मात्र नभई समग्र पार्टीको साझा दायित्व भएको निष्कर्ष निकालेको छ । साथै, वर्तमान राजनीतिक परिस्थितिमा सभापति थापाको नेतृत्व आवश्यक रहेको उल्लेख गर्दै उनको राजीनामा सर्वसम्मत रुपमा अस्वीकृत गरिएको जनाइएको छ ।
यस्तै, बैठकमा उपसभापति शर्माले प्रस्तुत गरेको प्रारम्भिक समीक्षा प्रतिवेदन सुझावसहित परिमार्जन गरेर पारित गरिएको छ। अन्तर्राष्ट्रिय सन्दर्भमा, मध्यपूर्वमा चर्किएको द्वन्द्वप्रति चिन्ता व्यक्त गर्दै कांग्रेसले यथाशीघ्र युद्ध अन्त्यको अपेक्षा गरेको छ। युद्ध प्रभावित क्षेत्रमा रहेका नेपाली नागरिकको सुरक्षाका लागि सरकारलाई सक्रिय हुन आग्रह गरिएको छ।
त्यसैगरी, इरानको बन्दर अब्बास बन्दरगाहमा नियन्त्रणमा रहेका नेपाली नागरिक अमृत झाको सकुशल उद्धार गरी नेपाल ल्याउन सरकारसँग माग गरिएको छ । बैठकले जेनजी प्रदर्शनसम्बन्धी घटनामा गठित गौरीबहादुर कार्की जाँचवुझ आयोग को प्रतिवेदन तत्काल सार्वजनिक गर्न सरकारसँग माग गरेको छ ।
यसैगरी, पेट्रोलियम पदार्थको मूल्यवृद्धि र एलपी ग्यासमा कृत्रिम अभाव सिर्जना भएको भन्दै कांग्रेसले मूल्य घटाउन र सहज आपूर्तिको व्यवस्था गर्न सरकारसँग जोडदार माग गरेको छ। बैठकले विभिन्न समय अवधिमा निधन भएका पार्टीका अग्रज नेताप्रति श्रद्धाञ्जली अर्पण गर्दै शोक प्रस्ताव समेत पारित गरेको छ। बैठकमा पार्टीका शीर्ष नेतादेखि केन्द्रीय सदस्यसम्मले धारणा राखेका थिए ।
ताजा अपडेट
-
१.
पर्वतमा जिप दुर्घटना, चालकको मृत्यु
-
२.
नेपाली चलचित्र पहाडको ‘मोहनी लगाउने’ सार्वजनिक
-
३.
राखेप र मन्त्रालयका कारण फुटबल गतिविधिमा बाधा पुग्योः संकटा क्लव
-
४.
निजी क्षेत्र एकीकृत भए मात्र सरकारले हाम्रो आवाज सुन्छः भवानी राणा
-
५.
अञ्जन श्रेष्ठको कार्यकाल अभूतपूर्व हुनेछ, उनले रोजेको टिमलाई जिताऔंः शेखर गोल्छा
ट्रेन्डिङ
सिफारिस
सबैसम्बन्धित समाचार
एफएनसीसीआईका पदाधिकारीलाई दलगत आवद्धता निषेध गर्ने श्रेष्ठको घोषणा
काठमाडौँ। नेपाल उद्योग वाणिज्य महासंघ (एफएनसीसीआई)का वरिष्ठ उपाध्यक्ष अञ्जन श्रेष्ठले महासंघका पदाधिकारीहरु कुनैपनि राजनीतिक दलमा आबद्ध हुन नदिने व्यवस्था...
बढ्यो काठमाडौँ उपत्यकाको तापक्रम
काठमाडौँ। काठमाडौँ उपत्यकाको तापक्रम बढेको छ। मौसम पूर्वानुमान महाशाखाका अनुसार आज बिहान ५:४५ बजेको मापनमा काठमाडौँ उपत्यकाको न्यूनतम तापक्रम...
कांग्रेसको केन्द्रीय कार्यसमिति बैठक आज बस्ने
काठमाडौँ। नेपाली कांग्रेसको केन्द्रीय कार्यसमिति बैठक आज बस्ने भएको छ । पार्टी कार्यालयका कार्यवाहक मुख्य सचिव कृष्ण प्रसाद दुलालले...
निर्वाचनको समीक्षा प्रतिवेदन पठाउन एमालेको निर्देशन
काठमाडौँ। नेपाल कम्युनिष्ट पार्टी (एमाले)ले गत फागुन २१ गते सम्पन्न प्रतिनिधिसभा निर्वाचनको समीक्षा प्रतिवेदन मातहतका कमिटीबाट माग गरेको छ।...




