बालेन मन्त्रिपरिषद्को पहिलो निर्णय : जेनजी आयोगको प्रतिवेदन कार्यान्वयनमा लैजाने

काठमाडौं। बालेन्द्र शाह नेतृत्वको मन्त्रिपरिषद् बैठकले जेनजी आन्दोलनका सम्बन्धमा गठित जाँचबुझ आयोगको प्रतिवेदन कार्यान्वयनमा लैजाने निर्णय गरेको छ ।

सिंहदरबारमा शुक्रबार अपराह्न बसेको बैठकले जेनजी घाइतेहरूलाई सम्मान गर्ने निर्णय पनि गरेको छ ।

भदौ २३ र २४ को आन्दोलनका सन्दर्भमा अनुसन्धान गर्न गौरीबहादुर कार्कीको नेतृत्वमा जाँचबुझ आयोग बनाउने निर्णय गरेको थियो ।

आयोगले पूर्वप्रधानमन्त्री केपी शर्मा ओली, तत्कालीन गृहमन्त्री रमेश लेखक लगायतलाई कारबाहीको सिफारिश गरेको छ ।

यसका साथै, सुरक्षा निकायको हकमा अध्ययन गर्न कार्यदल गठन गर्ने, शासकीय सुधारका लागि १०० बुँदा पारित गर्ने र महान्यायाधिवक्ताको सविता भण्डारीको राजीनामा स्वीकृत गर्ने निर्णय पनि भएको छ ।