माइतीघरमा एमाले-प्रहरी प्रदर्शन नियन्त्रणबाहिर

काठमाडौं। नेकपा एमालेका अध्यक्ष केपी शर्मा ओली पक्राउ परेपछि पार्टी कार्यकर्ता माइतीघर–नयाँ बानेश्वरमा प्रदर्शन गरिरहेका छन् ।

प्रहरीले ओलीलाई आज बिहान नियन्त्रणमा लिएपछि त्यसको विरोधमा एमाले निकट २३ जनसंगठनले माइतीघरमा एकीकृत प्रदर्शन गरेका हुन्।

प्रदर्शनकारीहरू नयाँ बानेश्वरतर्फ अघि बढ्न खोजेपछि सुरक्षाकर्मीले रोक्न प्रयास गरेका छन् । त्यसक्रममा स्थिति चर्किँदै जाँदा प्रहरीले धरपकड सुरु गरेको छ।

प्रदर्शनका कारण माइतीघर आसपासको क्षेत्र केही समयका लागि तनावग्रस्त बनेको छ भने सुरक्षाकर्मीको उपस्थिति बाक्लो बनाइएको छ।