राष्ट्रिय सभाको उपाध्यक्षमा लीलाकुमारी निर्विरोध

काठमाडौँ । राष्ट्रिय सभाको उपाध्यक्षमा नेकपा एमालेकी सांसद लीलाकुमारी भण्डारी निर्विरोध निर्वाचित हुनुभएको छ ।

राष्ट्रिय सभाका अध्यक्ष नारायण दाहालले सोमबारको बैठकमा भण्डारीको मात्र उम्मेदवारी परेकाले विधिवत रूपमा निर्विरोध निर्वाचित भएको घोषणा गर्नुभएको हो ।

उपाध्यक्षको मनोनयन दर्ताका लागि आइतबार तोकिएको समयमा भण्डारीको मात्रै उम्मेदवारी परेको थियो । भण्डारीको प्रस्तावकमा एमालेका राष्ट्रिय सभा संसदीय दलका नेता प्रेमप्रसाद दङ्गाल हुनुहुन्थ्यो ।

यस्तै, उहाँको समर्थकमा नेपाली कांग्रेसका सांसद कृष्णबहादुर रोकाय, जनता समाजवादी पार्टी नेपालकी सांसद पुजा चौधरी र नेपाली कम्युनिस्ट पार्टीकी सांसद मदनकुमारी शाह रहनुभएको थियो ।