मौसम विभाग भन्छ : अबको केही समयमा पानी रहन्छ

काठमाडौं। शुक्रबारदेखि सक्रिय पश्चिमी न्यून चापीय प्रणालीका कारण बितेका २४ घण्टामा देशका अधिकांश भूभागमा मेघगर्जन/चट्याङ, असिना तथा हुरीबताससहित वर्षा भएको मौसम पूर्वानुमान महाशाखाले शनिबार दिउँसो जनाएको छ।

आज दिउँसो १:४० बजे मौसम महाशाखाले जारी गरेको सूचनाअनुसार हाल लुम्बिनी, गण्डकी, बागमती, मधेस र कोसी प्रदेशका विभिन्न स्थानमा वर्षा भइरहेको छ।

मौसम महाशाखाले अगाडि भनेको छ, ‘यो प्रणाली क्रमश: पूर्वतिर सर्ने क्रममा छ र उक्त प्रणाली आज बेलुकादेखि क्रमिक रूपमा कमजोर हुँदै जाने सम्भावना छ।’