राप्रपामा नेतृत्व छाड्न लिङ्देनमाथि तीब्र दबाब, चुनावी हार भन्दै लोहनीले दिए पदबाट राजीनामा

काठमाडौं । डा. प्रकाशचन्द्र लोहनीले राष्ट्रिय प्रजातन्त्र पार्टी राप्रपाको निर्देशन समिति अध्यक्ष पदबाट राजीनामा दिनुभएको छ।

प्रतिनिधिसभा सदस्य निर्वाचनमा प्राप्त परिणामले स्तब्ध बनाएको भन्दै उहाँले राजीनामा दिनुभएको हो।

डा. लोहनीले एक विज्ञप्ति जारी गर्दै पार्टीका जिम्मेवार पदािधकारीले मार्गप्रशस्त गर्नुपर्ने बताउनुभएको छ। जनभावनाअनुरुप तदर्थ समिति गठन गरी महाधिवेशन गर्नुपर्ने उहाँकाे प्रस्ताव छ । महाधिवेशनबाट जिम्मेवारी प्राप्त भए मात्र पदमा रहने गरी अलग हुने समयको मागलाई अनुसरण गर्दै राजीनामा दिएको उहाँले बताउनुभएको हो।

आन्तरिक र अन्य विविध कारणले चुनावमा निराशाजनक नतिजा आएको उल्लेख गर्दै डा. लोहनीले यो अवस्थामा जनभावना अनुसार अगाडि बढ्न सबैलाई आग्रह गर्नुुभएको हो। चुनावको लज्जासद पराजयले पार्टीभित्र तीब्र विवाद छ।

राप्रपा नेताहरू अध्यक्ष राजेन्द्र लिङ्देनले पनि नैतिकताका आधारमा पद छाड्नुपर्ने दबाब दिइरहेका छन्। चुनाव पराजयपछि वरिष्ठ उपाध्यक्ष रवीन्द्र मिश्रले पार्टी नै छाडेका छन्, अहिले राप्रपामा चुनावी नजिताले तीब्र मतभेद उत्पन्न भएको छ।