रास्वपामा सल्किरहेको ‘ज्वाला’ विवाद

काठमाडौँ। लामो समय विदेश बसेर फर्किएकी रास्वपा नेत्रृ ज्वाला संग्रौला बेलाबेला विवादमा आइरहन्छिन्। सामाजिक सन्जालमा कसैलाई तीखो गालीगलौज गर्ने र कसैको भक्तिगान गाउने कर्मकै कारण ज्वाला विवादको भूमरीमा फस्छिन्। रवि लामिछाने सञ्चारकर्मी हुँदा ज्वाला जापानमा बस्थिइन्। रविको ‘फेन’ एवं सुभचिन्तक भएकै आधारमा उनले राज्यको नेतृत्वमाथि औला उठाउथिइन्।

यही कारण उनी अहिले रास्वपा केन्द्रीय सदस्य भएकी छन्। लामिछानेको पक्षमा वकालत गरेकै कारण उनी रास्वपाको जिम्मेवार पदमा पुगेकी छन्। यतिसम्मकी उनी रविपत्नी निकिता पौडेलको टीभीमा पनि अहिले काम गरिरहेकी छन्। तर, उनको टिभी कार्यक्रम भन्दा सामाजिक सन्जालको स्टाटस बढी प्रभावकारी मानिन्छ।

यही कारण अहिले विवादमा उनी फसेकी छन्। उनले केही दिनअघि रविले गृहमन्त्री रहँदा बलात्कारी जोगाएको अर्थ लाग्ने स्टाटस लेखिन्। उनको इंगित गरेको व्यक्ति एमालेका एक जिम्मेवार नेता थिए। उनले सामाजिक सन्जालमा एमाले नेतालाई जोगाएको तर रविकै रविमा ती नेता लागेको बताउन चाहेकी थिइन्। तर यही कारण विवाद हुन पुग्यो।

उनले रविमाथि बलात्कारी जोगाएको भन्ने अर्थ लागेको भन्दै कारबाहीको माग गरिरहेका छन्। यतिसम्मकी अनुशासन आयोगले उनलाई स्पष्टीकरण सोध्नुपर्ने प्रश्न पनि उठेको छ। तर ज्वाला भने आफूले गलत नगरेको बताइरहेकी छन्। उनी रास्वपा नेताविरुद्ध खन्निरहेकी छन्। उनले सामाजिक सन्जालमार्फत नै आफूले एकएक नेताको कमजोर पत्ता लगाएको दाबी गरिरहेकी छन्। यही कारण उनको विषय पार्टीमा बहस बनिरहेको छ।
ज्वालाको स्टाटस

पार्टीले स्पष्टीकरण सोध्ने तयारी गरेपछि ज्वालाले बिगत खोतल्दै जाने हो भने अहिले आफू रास्वपा हुँ भनिरहेकाहरू कुनै न कुनै काण्डमा मुछिएको दाबी गरेकी छिन्।

‘जजसले आज मेरो बिरोध गरेर आफू रास्वपा हुँ भनिरहेका छ्न्, तिनीहरुको बिगत खोज्दै जाने हो भने एउटा न एउटा काण्डमा मुछिएकै छन्,’ आफ्नो आलोचना गर्नेलाई लक्षित गर्दै उनले फेसबुकमा लेखेकी छिन्, ‘मैले पर्दाफास गर्दै गए भने भोलि नाकमुख देखाउन गाह्रो होला महोदय। तसर्थ संयमित बन्नुस।’

उक्त अभिव्यक्ति ३ पटक सच्याएर स्पष्टीकरण दिँदा पनि आफूलाई रास्वपा कार्यकर्ताहरूले खेद्न नछोडेको तर आफू विचलित नभएको उनको भनाइ छ। ‘मेरो एउटा सामान्य लेखाइको त्रुटि, त्यो पनि मैले सच्याएर ३ वटा स्पष्टीकरणसहितका स्टाटस लेख्दा समेत मलाई खेद्न छोडेका छैनन्,’ संग्रौलाले लेखेकी छिन्, ‘यसबाट म कतै बिचलित भएकी छैन, किनकी यस्ता बाधाका पहाडमाथि टेक्दै जीवनको उकाली चढेको निकै साल भैइसक्यो।’