प्रधानमन्त्री कप : कर्णालीमाथि सुदूरको सानदार जित, धामी नायक

काठमाडौं। शेर मल्लको कप्तानीमा सुदूरपश्चिम प्रदेशले प्रधानमन्त्री कपमा विजयी सुरुवात गरेको छ। विरगंजमा भएको प्रधानमन्त्री कप एक दिवसीय क्रिकेटमा कर्णाली प्रदेशलाई ४ विकेटले पराजित गर्दै सुदूरपश्चिमले जित दर्ता गरेको हो।

१२० रनको लक्ष्य पछ्याएको सुदूरपश्चिमले संघर्षपूर्ण सुरुवात गरेको थियो। ९७ रनमै ६ विकेट गुमाएपछि टोली दबाबमा परेको थियो। तर त्यसपछि मिलन बोहरा र कप्तान शेर मल्लले संयमित ब्याटिङ गर्दै सातौँ विकेटका लागि अविजित २५ रनको साझेदारी गरे। उनीहरूको साझेदारीले सुदूरपश्चिमलाई जितसम्म पुर्यायो।

यसअघि बलिङतर्फ हेमन्त धामीले उत्कृष्ट प्रदर्शन गरे। उनले एक्लैले ६ विकेट लिएर कर्णालीको ब्याटिङ लाइनअप ध्वस्त पारेका थिए। जसका कारण कर्णाली ११९ रनमा समेटिएको थियो।