पीएम कप : गण्डकीमाथि बागमती विजयी

काठमाडौं।  बागमती प्रदेशले गण्डकी प्रदेशमाथि १७० रनको प्रभावशाली जित हात पारेको छ।

प्रधानमन्त्री कप एक दिवसीय क्रिकेटमा टस हारेर पहिले ब्याटिङमा उत्रिएको बागमतीले निर्धारित ५० ओभरमा ८ विकेट गुमाउँदै २९४ रनको बलियो योगफल तयार पारेको थियो।

२९५ रनको लक्ष्य पछ्याएको गण्डकी प्रदेश ३१.५ ओभरमै १२४ रनमा समेटिएको थियो। खेलमा बागमतीका ईशान पाण्डे ‘प्लेयर अफ द म्याच’ घोषित भए। उनले ६१ बलमा ७१ रन बनाउनुका साथै २ विकेट पनि लिएर टोलीको जितमा महत्वपूर्ण योगदान दिए।