गोकर्णेश्वरका अनमोल पाँच दिनदेखि बेपत्ता, खोजिदिन परिवारको आग्रह

काठमाडौँ। गोकर्णेश्वर नगरपालिका-६ नारायणटारमा बसोबास गर्दै आएका १२ वर्षीय अनमोल राई चैत ६ गतेदेखि बेपत्ता भएका छन्। उनी आफ्नै घरबाट बेपत्ता भएको आफन्तले जानकारी दिए।

अनमाेलका मामा मदन सुब्बाका अनुसार सन्तोष राई र कल्पना राईका छोरा अनमोल मानसिक रुपमा राम्रै थियो। कक्षा-५ मा पढ्दै आएका उनी ६ गते शुक्रबाट १ बजेबाट घरबाट निस्केका थिए। त्यसपछि कोठा फर्किएका छैनन्।

पातलो शरीर भएका उनले कालो सुरुवाल र चप्पल लगाएका छन्। अनमोल बेपत्ता भएपछि खोजिदिनको लागि परिवार र आफन्तहरुले प्रहरी वृत्त बौद्धमा निवेदन दिएका छन्।

कसैले उनलाई भेटिएमा ९८१८४३५९७६ मा सम्पर्क गर्न अनमोलनका मामा सुब्बाले आग्रह गरे।