जापानी अपराधीद्वारा जबरजस्ती घुसपैठ गरिएको विषयमा चिनियाँ दुतावासको विरोध

मंगलवार एक जापानी अपराधी जबरजस्ती दुतावासभित्र प्रवेश गरेपछि जापानस्थित चिनियाँ दुतावासले जापानी पक्षसमक्ष गम्भीर ध्यानाकर्षण र कडा विरोध जनाउँदै जापानसँग जिम्मेवारपूर्ण स्पष्टीकरण माग गरेको छ । दुतावासकाअनुसार मंगलवार बिहान जापान आत्मरक्षा बलका बहालवाला अधिकारी भएको दाबी गर्ने एक व्यक्तिले पर्खाल नाघेर जबरजस्ती दुतावासभित्र प्रवेश गरी चिनियाँ कुटनीतिक कर्मचारीहरूको हत्या गर्ने धम्की दिएका थिए । यस घटनाले कुटनीतिक सम्बन्धसम्बन्धी भियना महासन्धिको गम्भीर उल्लंघन गरेको र दुतावासका कर्मचारी एवं परिसरको सुरक्षामा गम्भीर खतरा उत्पन्न गराएको दुतावासले जनाएको छ ।

यो अत्यन्त गम्भीर प्रकृति र प्रभावको कार्य भएको दुतावासको ठहर छ । यस परिस्थितिद्वारा जापानमा अति–दक्षिणपन्थी विचारधारा र शक्तिहरूको व्यापक विस्तार तथा आत्मरक्षा बलको अनियन्त्रित विस्तारले निम्त्याएको खतरालाई पुनः पुष्टि गरेको छ । जसप्रति अन्तर्राष्ट्रिय समुदायले उच्च शतर्कता अपनाउनुपर्ने देखिन्छ ।

दुतावासले जापानको परराष्ट्र मन्त्रालयसमक्ष गम्भीर ध्यानाकर्षण र कडा विरोध दर्ता गराएको बताउँदै जापानी पक्षलाई तत्काल विस्तृत अनुसन्धान गर्न, संलग्न व्यक्तिहरूलाई कडा कारबाही गर्न र चिनियाँ पक्षलाई जिम्मेवारपूर्ण स्पष्टीकरण दिन आग्रह गरेको छ । यसका साथै दूतावासले चिनियाँ कुटनीतिक तथा कन्सुलर कर्मचारी, परिसर र त्यहाँ रहेका चिनियाँ नागरिकहरूको सुरक्षा सुनिश्चित गर्न प्रभावकारी कदम चाल्न र यस्ता घटनाहरू पुनः दोहोरिन नदिन जापानलाई आह्वान गरेको छ ।