बालेन्द्र शाह शुक्रबार प्रधानमन्त्रीको शपथ लिँदै, विशेष धार्मिक समारोहको तयारी

काठमाडौँ। रास्वपाका वरिष्ठ नेता बालेन्द्र (बालेन) शाहले प्रधानमन्त्रीका रूपमा शुक्रबार पद तथा गोपनीयताको शपथ लिने भएका छन्।

राष्ट्रिय स्वतन्त्र पार्टी (रास्वपा) का तर्फबाट चयन भएका शाहका लागि दिउँसो १२ बजेर ३४ मिनेटको शुभ साइत तय गरिएको छ।

शपथग्रहण समारोहलाई धार्मिक तथा सांस्कृतिक रूपमा विशेष बनाउने तयारी गरिएको छ। कार्यक्रमअनुसार ७ जना ब्राह्मणले शंखनाद गर्ने, १०८ जना बटुकले स्वस्तिवाचन गर्ने तथा १०७ जना बौद्ध लामा गुरुहरूले मंगल पाठ गर्ने व्यवस्था मिलाइएको छ।

यस विशेष व्यवस्थासँगै शाहले सोही दिन औपचारिक रूपमा पदभार ग्रहण गर्नेछन्। नयाँ सरकार गठनको प्रक्रियासँगै हुने यो शपथ समारोहलाई राजनीतिक र सांस्कृतिक दुवै दृष्टिले महत्वपूर्ण मानिएको छ।