ओली, लेखक र खापुङबाहेक को-को छन् जाँचबुझ आयोगबाट दोषी ठहर भएका ?

काठमाडौँ। गत भदौ २३ र २४ गते क्षेत्रमा भएको जेनजी (नवयुवा) को आन्दोलनका क्रममा भएको क्षति र सुरक्षा कमजोरीबारे छानबिन गर्न गठित जाँचबुझ आयोगको प्रतिवेदनमा विभिन्न अधिकारीलाई कारबाही सिफारिस गरेको छ।

आयोगको प्रतिवेदनमा तत्कालीन प्रधानमन्त्री र गृहमन्त्रीदेखि सुरक्षा निकायका उच्च अधिकारीलाई दोषी मान्दै कारबाहीका लागि सिफारिस गरिएको हो। आयोगले तत्कालीन प्रधानमन्त्री केपी शर्मा ओली र गृहमन्त्री रमेश लेखकलाई ‘फौजदारी लापरवाही’ र जिम्मेवारीबाट पन्छिएको भन्दै दोषी ठहर गरेको छ।

४ घण्टासम्म गोली चल्दा पनि स्थिति नियन्त्रणमा लिन ठोस पहल नगरेको र मानव अधिकारको गम्भीर उल्लंघन भएको प्रतिवेदनमा उल्लेख छ। आयोगले ओली र लेखकसहित तत्कालीन महानिरीक्षक चन्द्रकुवेर खापुङलाई घटनाको मुख्य जिम्मेवार मानेको छ।उनीहरूको भूमिकालाई मुलुकी अपराध संहिता बमोजिम ‘लापरबाहीपूर्ण कार्य’ भन्दै कारबाही सिफारिस गरेको छ। यी हुन्

कारबाही सिफारिसमा परेका अरु अधिकारीहरू-प्रशासनिक तथा सुरक्षा निकायका उच्च अधिकारीहरू

गोकर्णमणि दुवाडी– तत्कालीन गृह सचिव

राजु अर्याल- तत्कालीन सशस्त्र प्रहरी महानिरीक्षक

हुतराज थापा- तत्कालीन प्रमुख, राष्ट्रिय अनुसन्धान विभाग

छविराज रिजाल- तत्कालीन प्रमुख जिल्ला अधिकारी काठमाडौँ

प्रहरी अधिकारीहरू

सिद्धिविक्रम शाह– प्रहरी अतिरिक्त महानिरीक्षक, कार्य विभाग प्रमुख

ओमबहादुर राना- प्रहरी नायव महानिरीक्षक, तत्कालीन कार्यवाहक प्रमुख, रानीपोखरी

विश्व अधिकारी- प्रहरी वरिष्ठ उपरीक्षक, तत्कालीन प्रमुख, काठमाडौँ प्रहरी परिसर।

दीपशमशेर जबरा- प्रहरी वरिष्ठ उपरीक्षक, रानीपोखरी

ऋषिराम कँडेल- प्रहरी उपरीक्षक, विशेष कार्यदल

दानबहादुर कार्की- प्रहरी अतिरिक्त महानिरीक्षक

सशस्त्र प्रहरी बलका अधिकारीहरू

नारायणदत्त पौडेल- अतिरिक्त महानिरीक्षक, तत्कालीन अपरेसन कमाण्डर

सुरेश कुमार श्रेष्ठ- प्रहरी नायव महानिरीक्षक, वाहिनीपति

जीवन केसी- प्रहरी उपरीक्षक, विपद उद्धार

राष्ट्रिय अनुसन्धान विभाग

कृष्णप्रसाद खनाल- सह–निर्देशक, उपत्यका अभियान महाशाखा

रिबेनकुमार गच्छदार- सह-अनुसन्धान निर्देशक, काठमाडौँ जिल्ला प्रमुख

नेपाली सेनाका अधिकारी

मनोज बैदवार- सहायक रथी, राष्ट्रपति भवन, सुरक्षा टोली प्रमुख

दिवाकर खड्का- प्रमुख सेनानी, प्रधानमन्त्री निवास, सुरक्षा टोली प्रमुख

गणेश खड्का- प्रमुख सेनानी, सिंहदरबार सचिवालय सुरक्षा टोली प्रमुख

सन्तोष ढुङ्गेल- सेनानी, संसद् भवन र बानेश्वर क्षेत्र सुरक्षा टोली प्रमुख

अन्य समूह

टीओबी ग्रुप- भीडलाई उक्साउने र शान्ति भङ्ग गर्ने कार्यमा संलग्न भएका मोटरसाइकलमा आएका व्यक्तिहरू।