कतिको चिसो छ आज काठमाडौँ?

काठमाडौं। काठमाडौंको न्यूनतम तापक्रम तीन दिनदेखि लगातार घटिरहेको छ।जल तथा मौसम पूर्वानुमान महाशाखाका अनुसार बिहानको समयमा काठमाडौंको न्यूनतम तापक्रम तीन दिन देखि लगातार घटिरहेको छ।

बुधबार ५:४५ बजे काठमाडौंको न्यूनतम तापक्रम ८.६ डिग्री मापन भएको थियो। त्यसयता बिहानीपखको तापक्रम घटिरहेको तथ्यांकले देखाएको छ।

बिहीबार यही समयमा काठमाडौंको न्यूनतम तापक्रम ७.५ डिग्री सेल्सियस मापन भएको थियो भने शुक्रबार ५.६ डिग्री सेल्सियस मापन भएको थियो।