मुग्लिन-नागढुङ्गा सडकखण्ड रातिमा थप तीन दिन बन्द

काठमाडौँ। मुग्लिन-नागढुङ्गा सडकखण्ड थप तीन दिन रातको समयमा यातायात आवागमन बन्द गरिने भएको छ।

जिल्ला प्रशासन कार्यालय चितवनले आज सूचना जारी गर्दै चैत २०, २१ र २२ गते राति १० बजेदेखि बिहान ४ बजेसम्म सडक पूर्णरूपमा बन्द रहने जानकारी दिएको छ।

यसअघि चैत १७ देखि १९ गतेसम्म सडक बन्द गरी घोप्टेभीरमा मर्मत थालिएको थियो। मर्मत जारी नसकिएकाले थप बन्द गर्नुपरेको जनाइएको छ।