इरानले खसाल्यो अमेरिकी लडाकु विमान

काठमाडौं। इरानले अमेरिकी लडाकु विमान खसालेको छ । एक अमेरिकी अधिकारीले शुक्रबार समाचार संस्था रोयटर्ससँगको कुराकानीमा यसको पुष्टि गरेका हुन् । अहिले विमान चालकको खोजी र उद्धार कार्य जारी रहेको अन्तर्राष्ट्रिय सञ्चार माध्यमले जनाएका छन्।

फेब्रुअरी २८ मा इरानसँग युद्ध सुरु भएयता इरानले अमेरिकी लडाकु विमान खसालेको यो पहिलो घटना हो । यसअघि पनि इरानले केही अमेरिकी लडाकु विमान खसालेको दाबी गरेपनि अमेरिकाले यसको खण्डन गर्दै आएको थियो ।

इरानको अर्ध-सरकारी समाचार एजेन्सी ‘इस्ना’ का अनुसार इरानी अधिकारीले अमेरिकी पाइलटलाई समात्ने वा मार्नेलाई विशेष इमान दिइने गरिने बताएका छन् ।