पाथीभरा केबलकार विवाद : फुङलिङमा प्रहरीसँग झडप, केही घाइते

काठमाडौँ। ताप्लेजुङको सदरमुकाम फुङलिङमा केबलकार विवादका कारण फेरि झडप भएको छ। पाथीभरासम्म केबलकार बनाउन नमिल्ने भन्दै एक समूह गरेको आन्दोलनमा प्रहरीसँग झडप हुँदा दुईजना गम्भीर घाइते भएका छन्।

झडपका क्रममा धरान बस्ने एके दर्नाल र लेलेप बस्ने केसिङ कुमार लिम्बू गम्भीर घाइते भएका छन्। उनीहरूलाई उपचारका लागि ताप्लेजुङको तमर अस्पतालमा भर्ना गरिएको छ।

राँके जुलुसमा उत्रिएका आन्दोलनकारीलाई प्रहरीले नियन्त्रणमा लिने प्रयास गरेपछि झडप भएको हो ।