१०औँ राष्ट्रिय खेलकुदको मिति सर्यो, कर्णालीमा होइन काठमाडौँमै हुने

काठमाडौँ। पटकपटक सर्दै आएको १०औँ राष्ट्रिय खेलकुद प्रतियोगिताको मिति र स्थान नै परिवर्तन हुने भएको छ। कर्णाली प्रदेशको राजधानी सुर्खेतको वीरेन्द्रनगरमा हुने भनिएको प्रतियोगिताको मिति फेरि सरेको हो। राष्ट्रिय खेलकुद परिषद् (राखेप) को बोर्ड बैठकले बिहीबार १०औँ राष्ट्रियको नयाँ मिति तोकेको छ।

राष्ट्रिय खेलकुद परिषद् (राखेप) का अध्यक्ष युवा तथा खेलकुदमन्त्री तेजुलाल चौधरीको अध्यक्षतामा बिहीबार बसेको १२१औँ बोर्ड बैठकले १०औँ राष्ट्रिय खेलकुद ३ देखि १० जेठ २०८२ सम्म गर्ने निर्णय गरेको हो।

यसअघि राखेपको ११८औँ बोर्ड बैठकले १०औँ राष्ट्रिय खेलकुद २०८१ साल चैत २३ देखि ३० गतेसम्म गर्ने निर्णय गरेको थियो । बैठकले प्रथम राष्ट्रिय पारा खेलकुद १७ देखि २१ जेठ २०८२ सम्म काठमाडौंमा गर्ने निर्णय गरेको छ।