समाजवादी मोर्चाले चैत १५ गते प्रदर्शन गर्ने

काठमाडौँ। समाजवादी मोर्चाले आगामी चैत १५ गते काठमाडौँमा गणतन्त्रको पक्षमा प्रदर्शन गर्ने निर्णय गरेको छ।

मंगलवार आलोकनगरस्थित नेकपा एकीकृत समाजवादीको पार्टी कार्यालयमा बसेको मोर्चाको बैठकले चैत १५ गते गणतन्त्रको पक्षमा एवं प्रतिगामी हर्कतहरुविरुद्ध संयुक्त विरोधसभा गर्ने निर्णय गरेको नेकपाका प्रवक्ता खड्गबहादुर विश्वकर्माले बताए।

उनका अनुसार आउँदो चैत १ गते विहान मोर्चाको बैठक बस्ने र दिउँसो पत्रकार सम्मलेन गर्दै जनतामा गणतन्त्रविरोधी कदमको विरोध गर्न आह्वान गर्ने निर्णयसमेत भएको छ। उनले बैठकले देशको पछिल्लो राजनीतिक परिस्थितिबारे गम्भिर विश्लेषण गरेर वस्तुगत निष्कर्ष निकालेको बताए।