धवलशमशेर पक्राउ परेको संसद्मा जानकारी

काठमाडौँ। सभामुख देवराज घिमिरेले राष्ट्रिय प्रजातन्त्र पार्टी (राप्रपा) का सांसद धवलशमशेर राणा पक्राउबारेको सूचना पढेर सदनलाई जानकारी गराएका छन्।

सोमबारको प्रतिनिधिसभाको बैठकमा सभामुख घिमिरेले राणा पक्राउ बारेको सूचना पढेका हुन्। उक्त पत्रमा दुर्गा प्रसाईंसमेत भएको राज्यविरुद्धको अपराधसम्बन्धी कसुरमा जबरा पक्राउ परेको भनिएको छ।

राप्रपासहित राजावादीहरूले १५ चैतमा काठमाडौँको तीनकुनेमा प्रदर्शन गरेका थिए। त्यसमा राणाले भीडलाई उक्साउने काम गरेका थिए।

विभिन्न मिडिया हाउस, प्रहरी कार्यालय, सरकारी कार्यालय, संस्थान, निजी तथा सरकारी सवारीसाधनमाथि तोडफोड, राजनीतिक दलका कार्यालय र नेताको निजी निवासमा आगजनी र आगजनी प्रयास गर्ने कार्यमा समेत जबराको भूमिका रहेको भनिएको छ।