टी २० श्रृंखलाका लागि नेपाली क्रिकेट टिम घोषणा

काठमाडौँ। चारदेशीय टी २० आई शृंखलाका लागि नेपाली राष्ट्रिय क्रिकेट टिमको घोषणा भएको छ। शनिबार नेपाल क्रिकेट संघ (क्यान) ले चारदेशीय टी २० आई क्रिकेट शृंखलाका लागि रोहितकुमार पौडेलको कप्तानीमा १४ सदस्यीय क्रिकेट टिम घोषणा गरेको हो।

पौडेलको कप्तानीमा घोषित टिममा आरिफ शेख, कुशल मल्ल, लोकेश बम, बसिर अहमद, दीपेन्द्रसिंह ऐरी र कुशल भुर्तेल परेका छन्। यसैगरी, ललित नारायण राजवंशी, सोमपाल कामी, करण केसी, शाहब आलम, नन्दन यादव, रिजन ढकाल र गुल्सनकुमार झा पनि टिममा परेका छन् ।

नेपालको टी २० आई टिममा लोकश, बसिर र शाहबले पनि पुनरागमन गरेका हुन्। नन्दन भने पहिलोपटक राष्ट्रिय टिममा परेका हुन् । चारदेशीय टी २० आई शृंखला चीनको सियान शहरमा अप्रिल ११ देखि १३ सम्म हुँदैछ।

शृंखलामा घरेलु टिम हङकङसहित नेपाल, कतार र कुवेत सहभागी हुँदै छन् ।