आशिष पुरस्कार पत्रकार पौडेललाई

इलाम। २०८२ सालको आशिष स्मृति पत्रकारिता पुरस्कार पत्रकार किरण पौडेललाई प्रदान गरिएको छ। इलाम सदरमुकाममा आयोजित समारोहमा कोशी प्रदेशका आर्थिक मामिला तथा योजना मन्त्री रामबहादुर रानामगरले पत्रकार पौडेललाई पुरस्कृत गरे ।

नेपाल पत्रकार महासंघले हरेक वर्ष मेची क्षेत्रका उदीयमान पत्रकारलाई प्रदान गर्ने आशिष पुरस्कार पौडेललाई प्रदान गरिएको हो । २०५९ साल वैशाख १ मा दुर्घटनामा परी निधन भएका पत्रकार आशिष राईको स्मृतिमा २०६१ सालमा महासंघले यो पुरस्कार स्थापना गरेको हो ।

करिब डेढ दशयता पत्रकारितामा क्रियाशील पौडेललाई इलाम पोस्ट, इलाम एफएम, इलाम आवाज, राष्ट्रिय समाचार समितिलगायत मिडियामा काम गर्दै अहिले हिमाल प्रेसको कपी इडिटरका रूपमा कार्यरत छन् ।