राज्यको दमन निन्दनीय : राप्रपा

काठमाण्डौँ। राष्ट्रिय प्रजातन्त्र पार्टी (राप्रपा)ले प्रशासनिक हस्तक्षेपप्रति घोर भर्त्सना गरेको छ। आज बसेको केन्द्रीय कार्यसम्पादन समितिको आकस्मिक बैठकले राजावादी नेताप्रति प्रशासनले गरेको व्यवहारप्रति भत्र्सना गरेको हो।

आज निषेधित क्षेत्र नतोकिएको स्थान नारायणचौर, नक्साल क्षेत्रमा भएको प्रशासनिक हस्तक्षेपप्रति राप्रपाले घोर भर्त्सना गरेको छ ।

बैठकपश्चात् राप्रपा प्रवक्ता मोहन कुरमा श्रेष्ठद्धारा हस्तताक्षरित प्रेस विज्ञप्तिमा भनिएको छ, प्रदर्शनका क्रममा राप्रपा नेपालका अध्यक्ष कमल थापा र अन्य ७ जनालाई प्रशासनले नियन्त्रणमा लिएको, गिरफ्तार हुनु भएकाहरुलाई भेट्न जाने क्रममा प्रतिनिधिसभाका सांसद मा।दिपक बहादुर सिंहलाई प्रहरी परिसरभित्रै नियन्त्रणमा लिइएको घटना संविधानको व्यवस्था विपरीत, अलोकतान्त्रिक, सर्वसत्तावादी र विचारलाई निषेध गर्ने प्रयास हो भन्ने पार्टीको प्रष्ट धारणा रहेको छ।

राजावादी समूहले आइतबार राजधानीको नारायण चौर क्षेत्रबाट प्रदर्शन गर्दै बालुवाटारतर्फ प्रवेश गर्न खोजेपछि राप्रपा नेपालका अध्यक्ष थापा सहितका नेता,कार्यकर्ता पक्राउ परेका थिए।