सभामुखले बोलाए प्रमुख सचेतकहरूको बैठक

काठमाडौँ। सभामुख देवराज घिमिरेले मुख्य दलका प्रमुख सचेतकहरुलाई छलफलमा बोलाएका छन्।

आइतबार बिहान ९ बजे बैठक बस्नेगरी सभामुख घिमिरेले प्रमुख सचेतकहरूलाई छलफलमा बोलाएको उनका प्रेस सल्लाहकार शेखर अधिकारीले जानकारी दिए।

बैठक सिंहदरबारमा बस्नेछ।

प्रेस सल्लाहकार अधिकारीका अनुसार सभामुखले संसद्को क्यालेन्डर लगायतका विषयमा छलफल गर्न बैठक बोलाएका हुन्

जेठ १३ गतेदेखि संसद अवरोध भएका कारण बजेटमाथिको छलफल समेतको कार्यतालिका प्रभावित भएको थियो।