मन्त्री गुप्ताको घुस डिल प्रकरण : माओवादी केन्द्रले माग्यो प्रधानमन्त्री ओलीको जवाफ

काठमाडौँ । प्रमुख प्रतिपक्षी दल माओवादी केन्द्रले संघीय मामिला तथा सामान्य प्रशासनमन्त्री राजकुमार गुप्ताले कर्मचारी सरुवा र नियुक्तिमा ‘घुस डिल’ गरेको आरोप लगाउँदै तत्काल छानबिनको माग गरेको छ ।

आइतबार प्रतिनिधिसभा बैठकको विशेष समयमा माओवादी केन्द्रकी सांसद रेखा शर्माले मन्त्री गुप्ताको घुस डिल प्रकरणबारे प्रधानमन्त्री केपी शर्मा ओलीले संसदमा जवाफ दिनुपर्ने माग गरेकी हुन् ।

‘कर्मचारी सरुवामा मन्त्रीहरूले ७८ लाख रुपैयाँ घुस डिल गरेको विवरण आएको छ । भएको के हो सम्माननीय प्रधानमन्त्रीमार्फत संसदलाई जनाकारी गराउन र दोषी जो होस् कानुन अनुसार कडा कारबाही होस् । अन्यथा सरकारको एक वर्षको उपलब्धि यही हुनेछ,’ उनले भनिन् ।