महिला फुटबल टोलीका कोचलाई सोधियो स्पष्टीकरण

काठमाडौं। अखिल नेपाल फुटबल संघ (एन्फा)ले नेपाली राष्ट्रिय महिला फुटबल टोलीका मुख्य प्रशिक्षक प्याट्रिक डि वाइल्डेसँग स्पष्टीकरण सोधेको छ।

एन्फाले उज्वेकिस्तानमा भएको घटनाको विवरण माग गर्दै मुख्य प्रशिक्षक वाइल्डेलाई स्पष्टीकरण सोधेको हो। तर मुख्य प्रशिक्षक वाइल्डेले भने अहिलेसम्म त्यसको जवाफ नपठाएको एन्फा प्रवक्ता सुरेश शाहले जानकारी दिए।

महिला टोलीका मुख्य प्रशिक्षक वाइल्डेले उज्वेकिस्तानमा हुँदा नै घटनाको बारेमा तीन पेज लामो पत्र एन्फालाई पठाएका थिए।