ह्वात्तै बढ्यो सुनको भाउ

काठमाडौं । मंगलबार नेपाली बजारमा सुन र चाँदीको मूल्यमा उल्लेख्य वृद्धि भएको छ । नेपाल सुनचाँदी व्यवसायी महासंघका अनुसार छापावाल सुनको मूल्य तोलामा १ लाख ९८ हजार ५०० रुपैयाँ पुगेको छ, जुन सोमबारको तुलनामा १ हजार ९०० रुपैयाँले बढी हो ।

सोमबार छापावाल सुनको मूल्य तोलामा १ लाख ९६ हजार ६०० रुपैयाँ थियो । त्यस्तै, चाँदीको मूल्यमा पनि वृद्धि भएको छ। सोमबार तोलाको २ हजार २५५ रुपैयाँमा कारोबार भएको चाँदी मंगलबार बढेर तोलामा २ हजार २८० रुपैयाँमा पुगेको महासंघले जनाएको छ ।

धातु बजारमा भएको यो मूल्यवृद्धिले उपभोक्ता र व्यवसायी दुवैको ध्यान तानेको छ । मूल्य बढ्ने क्रम जारी रहे हालसालैको अन्तर्राष्ट्रिय बजारको उतारचढाव र मागका कारण हुन सक्ने अनुमान गरिएको छ ।