लिङ्देनमाथि दुर्गा प्रसाईले लगाए ‘गाडी चोर’को आरोप

काठमाडौँ। दुर्गा प्रसाईंले राप्रपाका अध्यक्ष राजेन्द्र लिङ्देनमाथि भारतबाट गाडी चोर आरोप लगाएका छन्। उनले हिजो पत्रकार सम्मेलनमार्फत लिङ्देनले जीविकोपार्जनका लागि गाडी चोरेको आरोप लगाएका छन् ।

आइतबार पत्रकार सम्मेलनमार्फत प्रसाईले लिङ्देनमाथि यस्तो आरोप लगाएका हुन् । गत चैत १५ गते तीनकुनेमा भएको आन्दोलनमा राप्रपाले मिलेर छुरा हानेको समेत आरोप लगाए ।

‘राप्रपाका राजेन्द्र लिङ्देन दाइलाई म के भन्छु भने–यो त बैंक ठग हो हजुर बैंक ठग हो भन्थे । उसलाई भन्दिनु १५ गते जुन धोका दियौँ। अब जीवनमा तिमीले धोका दिन सक्दैनौँ। तिमी जस्तो भारतबाट गाडी चोरेर ल्याएर बिर्तामोडमा काटेर बेच्नेको सन्तान म होइन । जुन हिसाबकिताबले मलाई बैंक ठग भनेका थियौँ । मलाई १५ गते राप्रपा मिलेर छुरी हानेको छ । म बाँच्न सफल भएको मान्छे’, उनले भने ।