विवेकशील साझा पार्टी प्रकाश परियारको नेतृत्वमा पार्टी एकता कार्यदल

काठमाडौँ। विवेकशील साझा पार्टीले समान विचार भएकाहरुसँग सहकार्य, कार्यगत एकता, मोर्चाबन्दी, ध्रुवीकरण एवम् एकीकरणको नीति लिँदै संवादका लागि पाँच सदस्यीय संवाद समिति गठन गरेको छ ।

पार्टीले उपाध्यक्ष प्रकाशचन्द्र परियारको नेतृत्वमा समान विचार भएका व्यक्तित्व, समूह, अभियान, संस्था र दलहरुसंग सहकार्य, ध्रुवीकरण, कार्यगत एकता, एकीकरण र मोर्चाबन्दी गर्न भन्दै राजनीतिक संवाद समिति गठन गरेको हो ।

समितिमा उपाध्यक्ष विमला घिमिरे अधिकारी, महासचिव रञ्जु दर्शना, सचिव समुन्द्र केसी र प्रवक्ता आशुतोष प्रधान सदस्य रहेका छन् ।