रवि भेट्न नख्खु पुगे प्रचण्ड

काठमाडौँ। प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले ललितपुरको नख्खुस्थित कारागार पुगेर राष्ट्रिय स्वतन्त्र पार्टी (रास्वपा) का सभापति रवि लामिछानेलाई भेटेका छन्। पूर्वप्रधानमन्त्री प्रचण्डले बुधबार अपराह्न लामिछानेलाई भेटेका हुन्।

सहकारी ठगी प्रकरणमा अदालतको आदेशमा चैत २५ गतेदेखि भैरहवास्थित कारागारमा रहेका लामिछानेलाई गत शनिबार नख्खु कारागारमा सारिएको थियो। रास्वपाले राजनीतिक प्रतिशोधका आधारमा लामिछानेमाथि जेल सजाय दिइएको भन्दै हस्ताक्षर अभियान सञ्चालन गरेको छ।

सत्तारुढ नेपाली कांग्रेस र एमालेले उपसभामुख इन्दिरा रानामगरलाई पदबाट हटाउने प्रक्रिया थालेपछि प्रमुख प्रतिपक्षी दलका नेता प्रचण्डले लामिछानेसँग भेट गरेका हुन्।