पाकिस्तानविरुद्ध नेपालले बलिङ गर्ने

काठमाडौं। टप एण्ड टी–२० शृङ्खलाअन्तर्गत नेपालले पाकिस्तान शाहीन्सविरुद्ध सुरुमा बलिङ गर्ने भएको छ। अष्ट्रेलियाको नर्दन टेरिटोरीमा पाकिस्तान शाहीन्सले टस जितेर नेपाललाई पहिला बलिङको निम्तो दिएको हो।

यसअघि नेपाल तीन खेलमा पराजित भएको थियो भने दुई खेलमा जित निकालेको थियो। शृङ्खलामा सहभागी ११ टोलीमध्ये अंक तालिकाको सातौँ स्थानमा रहेको नेपालले सेमिफाइनल प्रवेशका लागि आजको खेल जित्नैपर्ने दबाब छ।