भरत खवासले संन्यास लिने

काठमाडौं । पुराना फरवार्ड भरत खवासले राष्ट्रिय टिमबाट संन्यास लिने भएका छन् । विभागीय टोली त्रिभुवन आर्मी फुटबल क्लबका भरतले घरेलु मैदानमा हुने बंगलादेश विरुद्धको मैत्रीपूर्ण खेलपछि सन्यास लिने तयारीमा छन् ।

नेपाली राष्ट्रिय टिमले यही भदौ २१ र २४ गते (सेप्टेम्बर ६ र ९) मा दशरथ रंगशालमा बंगलादेश विरुद्ध खेल्दैछ । भरतले बंगलादेश विरुद्धको दोस्रो मैत्रीपूर्ण खेलपछि सन्यास लिने जानकारी दिए ।

सन् २००८ मा पोखरामा भएको पाकिस्तान विरुद्धको मैत्रीपूर्ण खेलबाट राष्ट्रिय टोलीमा डेब्यु गरेका भरतले नेपालका लागि १० गोल गरेका छन् ।