मध्यरातमा हल्लियो सिन्धुपाल्चोक, देशभर ३ पटक भूकम्पको धक्का

काठमाडौँ । सिन्धुपाल्चोकमा मंगलबार राति भूकम्पको धक्का महसुस भएको छ। राति ११ बजेर २३ मिनेटमा सिन्धुपाल्चोक जिल्लाको तल्लामाराङ आसपास केन्द्रबिन्दु भएर स्थानीय ४।० म्याग्निच्युडको भूकम्प गएको छ।

राष्ट्रिय भूकम्प मापन केन्द्रका अनुसार यो दिनमा तेस्रो पटक नेपालमा भूकम्प गएको हो।

यसअघि बिहान ६ बजेर १५ मिनेटमा गोरखा अजिरकोट–३ हंशपुर आसपास केन्द्रबिन्दु भएर ४।० म्याग्निच्युडको भूकम्प गएको थियो। त्यस्तै दिउँसो ३ बजेर १३ मिनेटमा दोलखाको लापिलाङ केन्द्रबिन्दु भएर ४।१ म्याग्निच्युडको अर्को भूकम्प गएको केन्द्रले जनाएको छ।