युवा नेता सुरज खरेलले गरे एमाले परित्याग

काठमाडौँ। नेकपा एमाले निकट युवा संघका नेता सुरज खरेलले एमालेको पार्टी सदस्यता परित्याग गरेको घोषणा गरेका छन्।

खरेलले सोमबार साँझ सामाजिक सञ्जालमा लेख्दै नेकपा एमालेसँगको सम्पूर्ण सम्बन्ध विच्छेद गरेको घोषणा गरेका हुन्।

‘आजको दिनदेखि म नेकपा एमालेसँगको मेरो सम्पूर्ण सम्बन्ध विच्छेद भएको घोषणा गर्दछु,’ खरेलले लेखेका छन्।

खरेलले जेनजी पुस्ताको आन्दोलनमाथि सरकारले दमन गर्दै निर्दोष युवाहरूको रगत बगाएको भन्दै नागरिकको पीडामाथि राजनीति गर्ने पार्टीमा बस्नु नैतिक र मानवीय हिसाबले पनि आफूलाई अस्वीकार्य रहेको बताएका छन्।