जेनजी आन्दोलनका मृतकको शव परिवारलाई बुझाइयो

काठमाडौं । जेनजीको आन्दोलनको क्रममा ज्यान गुमाएकाको शव पोस्टमार्टमपछि परिवारलाई हस्तान्तरण थालिएको छ । महाराजगंजस्थित  त्रिवि शिक्षण अस्पतालमा पोष्टमार्टम गरेपछि प्रहरीले परिवारलाई हस्तान्तरण गरेको हो । साेमबार भएकाे जेनजी आन्दाेलनमा प्रहरीको गोली लागेर युवाहरुकाे ज्यान गएकाे थियाे ।

जेनजी आन्दोलनका क्रममा अहिलेसम्म देशभर ५१ व्यक्ति मारिएको केन्द्रीय प्रहरीले जनाएको छ । तर, मारिएका सबै जेनजी आन्दोलनकारी नभएको प्रवक्ता डीआईजी विनोद घिमिरेले बताएका छन् ।

मारिएको भनी सार्वजनिक भएको विवरणमध्ये १८ जना को हुन् भन्ने पहिचान अझै खुलेको छैन । १८ बाहेक अन्य ३२ मृतक पनि सबै जेनजी आन्दोलनकारी नभएको घिमिरेले बताए । जो जेनजी आन्दोलनकारी हैनन्, ती हुलमुलमा परेर मारिएको उनको भनाइ छ । तर, उनीहरु को हुन् भन्ने पहिचान खुलाउने सिलसिला शुरु भएको उनले बताए ।

आन्दोलनका क्रममा कतिपय भारतीय नागरिक पनि मारिएका छन् ।